الاثنين، 10 أغسطس 2009

ست راقصات يحيين ليـالى رمضان

بص كده على غلاف جريـدة الخميس اللى فوق علطول ده ،بص كويس على يسار الغلاف ،،تمام أنت كده وصلت بجانب صورة الراقصه دينا اللى لابسه من غير هدوم ،إقرأ "6 راقصات يحيين ليـالى رمضان هذا العام" ،يا سلام ...المصريون هيهلثوا فى رمضان مش مكفيهم السنه بطولها وعاجباهم ليالى رمضان "آه يا بلـــد" ،فين الأخلاق؟؟؟ ،فين الدين؟؟ ،كنا بنقول رمضان هو جهاز كشف الكذب نظراً للتحولات اللى بتحصل فى النفوس البشريه خلال الشهر المفترج ده ،لكن هو ده التطور الطبيعي كشف رمضان إننا مش كذابين وبنعمل في رمضان اللى بنعمله فى غيره بس بنزود شوية حبشتكانات للزينه يعنى الصلاه والصوم أو بالأحري شبيه الصوم فقط عشان محدش يغنيلنا "يا فاطر رمضان يا خاسر دينك ،سكينة الجزار هتقطع مصارينك" ،يلا أهو كلام والسـلام وربنا يكرم الراقصات ويعرفوا يمتعوا الصائمين ويصوبوا السهام فى عيونهم بإقتدار ،،ويارب يلبسوا بدل رقص "إسلامي".



ليست هناك تعليقات:

إرسال تعليق